Argument With Partner:പങ്കാളിയുമായുള്ള വഴക്ക് നീട്ടി കൊണ്ടുപോകരുത്, പരിഹരിക്കാൻ ഇതാ ചില മാർഗങ്ങൾ

ബന്ധങ്ങളിൽ പങ്കാളിയുമായി വഴക്കുകൾ ഉണ്ടാകുന്നത് സ്വാഭാവികമാണ്. വ്യത്യസ്തമായ കാഴ്ചപ്പാടുകളും അതുപോലെ അഭിപ്രായങ്ങളുമുള്ളതാണ് ഇതിൻ്റെ പ്രധാന കാരണം. എന്നാൽ വഴക്കുകൾ ദീർഘനേരത്തേക്ക് വയ്ക്കാതെ എളുപ്പത്തിൽ മാറ്റാൻ പങ്കാളികൾ തന്നെ മുൻകൈയെടുക്കണം. ചെറിയ വഴക്കുകളായിരിക്കും പിന്നീട് വലിയ പ്രശ്നങ്ങളിലേക്ക് നയിക്കുന്നത്. പരസ്പരമുള്ള ധാരണയാണ് എല്ലാ ബന്ധങ്ങളുടെയും വിജയം. പരസ്പരം അം​ഗീകരിക്കാനും അതുപോലെ മനസിലാക്കാനും ശ്രമിക്കേണ്ട്ത ഏറെ പ്രധാനപ്പെട്ട ഒരു കാര്യമാണ്. എന്തുകൊണ്ടാണ് പ്രശ്നങ്ങൾ ഉണ്ടാകുന്നത് അതിൻ്റെ കാരണവും കണ്ടെത്താൻ ശ്രമിക്കുക.

​മുൻകൈ എടുക്കുക

എല്ലാ ബന്ധങ്ങളിലും വഴക്കുകൾ ഉണ്ടാകുന്നത് സ്വാഭാവികമാണ്. പക്ഷെ പ്രശ്നങ്ങൾ ഉണ്ടായി കഴിഞ്ഞാൽ അത് വഷളാക്കാൻ ശ്രമിക്കാതിരിക്കേണ്ടത് വളരെ പ്രധാനമാണ്. പ്രശ്നങ്ങളെ അവ​ഗണിക്കുന്നതിന് പകരം പങ്കാളികളിൽ ഒരാൾ മുൻകൈ എടുത്താൽ മാത്രമേ അത് പരിഹരിക്കാൻ കഴിയൂ. കാര്യങ്ങളെ തണുപ്പിക്കാനും പരസ്പരം സംസാരിച്ച് പ്രശ്നം പരിഹരിക്കാനും ശ്രമിക്കുക. ഒരു പ്രശ്നമുണ്ടായാൽ ആ രാത്രിയിൽ തന്നെ പരമാവധി അത് പരിഹരിക്കാൻ ശ്രമിക്കുക. ബന്ധങ്ങളുടെ ദൃഢത വീണ്ടെടുക്കാൻ പ്രശ്നങ്ങൾ പരിഹരിക്കാൻ ശ്രമിക്കുക.

സംസാരിക്കുക​

കൃത്യമായ ആശയവിനിമയാണ് എല്ലാ പ്രശ്നങ്ങളുടെയും പരിഹാരം. എന്ത് പ്രശ്നമാണോ അതിനെക്കുറിച്ച് സംസാരിക്കാൻ ശ്രമിക്കുക. ഒരു വഴക്കിന് ശേഷം അത് സംഭവിച്ചുവെന്ന് അംഗീകരിക്കുക എന്നതാണ് പ്രധാന ഘട്ടങ്ങളിലൊന്ന്. ഒരു വഴക്ക് ഉണ്ടാകുമ്പോൾ അതിനെപ്പറ്റി സംസാരിക്കുകയാണ് ചെയ്യേണ്ടത്. മനസിൽ വച്ച് ആ പ്രശ്നത്തെ വലുതാക്കാതെ പറഞ്ഞ് തീർക്കാനാണ് ശ്രമിക്കേണ്ടത്. കൂടുതൽ ആലോചിച്ച് പ്രശ്നം വഷളാക്കുന്നത് ബന്ധത്തിന് വിള്ളൽ വീഴാൻ സാധ്യതയുണ്ടാക്കും.

തെറ്റുകൾ അം​ഗീകരിക്കുക​

തെറ്റ് പറ്റുന്നത് സ്വാഭാവികമാണ്. ഓരോ വ്യക്തികൾക്കും ഓരോ സ്വാഭാവമായിരിക്കും. നമ്മുടെ തെറ്റുകളുടെ ഉടമസ്ഥാവകാശം ഏറ്റെടുക്കുകയും നമുക്ക് എവിടെയാണ് തെറ്റ് പറ്റിയതെന്ന് മനസ്സിലാക്കുകയും വേണം. ഉത്തരവാദിത്തങ്ങൾ ഏറ്റെടുക്കുന്നത് കാര്യങ്ങൾ നന്നായി മനസ്സിലാക്കാൻ നിങ്ങളെ സഹായിക്കും. തെറ്റ് പറ്റുന്നതിൽ നാണക്കേട് വിചാരിക്കേണ്ട ആവശ്യമില്ല. തെറ്റുകളെ കൃത്യമായി മനസിലാക്കാനും അം​ഗീകരിക്കാനും ശ്രമിക്കുന്നത് പല പ്രശ്നങ്ങളെയും തുടക്കത്തിൽ തന്നെ ഇല്ലാതാക്കാൻ സഹായിക്കും. ചില ആളുകൾ തെറ്റുകൾ അം​ഗീകരിക്കാൻ തയാറാകാത്തത് പലപ്പോഴും വലിയ പ്രശ്നങ്ങളിലേക്ക് നയിച്ചേക്കാം.

കാഴ്ചപ്പാടുകൾ മനസിലാക്കുക

രണ്ട് വ്യക്തികൾക്കും വ്യത്യസ്തമായ കാഴ്ചപ്പാടുകളും അതുപോലെ അഭിപ്രായങ്ങളുമായിരിക്കും. ഇത് കൃത്യമായി മനസിലാക്കേണ്ടത് വളരെ പ്രധാനമാണ്. പങ്കാളിയുടെ കാഴ്ചപ്പാട് സാധൂകരിക്കാൻ കഴിയാത്തതിനാൽ ചിലപ്പോൾ നമുക്ക് നമ്മുടെ തെറ്റുകൾ കാണാൻ കഴിയില്ല. അവരെ സാധൂകരിക്കുകയും അവർക്ക് എങ്ങനെ തോന്നി എന്ന് മനസ്സിലാക്കാൻ ശ്രമിക്കുകയുമാണ് ഒരു ഘട്ടം. അവരുടെ കാഴ്ചപ്പാടിൽ നിന്ന് കാര്യങ്ങളെ നോക്കി കാണാൻ ശ്രമിച്ചാൽ ചിലപ്പോൾ ഒരു പരിധി വരെ പ്രശ്നങ്ങളെ പരിഹരിക്കാം.