പ്രമേഹം സൈലന്റ് കില്ലര്‍ എന്ന ഗണത്തില്‍ പെടുത്താവുന്ന ഒന്നാണ്. വേണ്ട രീതിയില്‍ നിയന്ത്രിയ്ക്കാതിരുന്നാല്‍ ശരീരത്തിലെ മിക്കവാറും അവയവങ്ങളെ ഇത് ബാധിച്ച് മരണത്തിലേയ്ക്ക് വരെ തള്ളിയിടും. അറ്റാക്കും സ്‌ട്രോക്കുമെല്ലാം പ്രമേഹ കാരണമായി വരാവുന്ന ഒന്നാണ്. പ്രമേഹവുമായി ഭക്ഷണത്തിന് അഭേദ്യമായ ബന്ധമുണ്ടെന്നതാണ് വാസ്തവം. ചില ഭക്ഷണങ്ങള്‍ പ്രമേഹം വര്‍ദ്ധിയ്ക്കാനും ചിലത് കുറയ്ക്കാനും സഹായിക്കുന്നവയാണ്.
പ്രമേഹ സാധ്യത
പ്രമേഹത്തിന് വിരുദ്ധമായ ഇത്തരം ഭക്ഷണങ്ങളില്‍ പ്രധാനപ്പെട്ട ഒന്നാണ് ചോറ്. പ്രത്യേകിച്ചും മലയാളികള്‍ക്ക് പ്രിയ ഭക്ഷണമായ ചോറ് പ്രമേഹ സാധ്യത വര്‍ദ്ധിപ്പിയ്ക്കുന്ന ഒന്ന് തന്നെയാണ്. കാര്‍ബോഹൈഡ്രേറ്റ് സമ്പുഷ്ടമാണ് ചോറ്. എന്നാല്‍ ചോറ് ഒഴിവാക്കാന്‍ പലര്‍ക്കും സാധിയ്ക്കില്ല. ദിവസവും രണ്ടു നേരമെങ്കിലും ചോറ് നിര്‍ബന്ധമായവര്‍ പലരുമുണ്ട്. പകരം മറ്റേത് ഭക്ഷണം കഴിച്ചാലും തൃപ്തി വരാത്തവര്‍. ഇത്തരക്കാര്‍ എന്ത് ചെയ്യും എന്നതാണ് ചോദ്യം.
ചോറ് പ്രമേഹം വര്‍ദ്ധിപ്പിയ്ക്കാതിരിയ്ക്കാന്‍
ചോറ് പ്രമേഹം വര്‍ദ്ധിപ്പിയ്ക്കാതിരിയ്ക്കാന്‍ ചില പ്രത്യേക രീതികളില്‍ കഴിയ്ക്കുന്നത് ഗുണം നല്‍കുമെന്ന് പറയപ്പെടുന്നു ചോറ് വേവിയ്ക്കുന്ന രീതി ഇതില്‍ പെടുന്നു. പലരും കഞ്ഞിവെള്ളം ഊറ്റിക്കളയാതെ തന്നെ അല്‍പം വെള്ളം വച്ച് അരി വേവിച്ച് ചോറാക്കുന്നവരാണ്. അതായത് വെള്ളം തീരെ ഊററാതെ വേവിയ്ക്കുന്നവര്‍. വെള്ളം തിളപ്പിച്ച് ഇതിലേയ്ക്ക് അരിയിട്ട് തിളച്ച് കഴിയുമ്പോള്‍ മുകള്‍ഭാഗത്തായി പാട പോലുള്ള വസ്തു കാണാം. ഇതാണ് സ്റ്റാര്‍ച്ച്. ഇത് നീക്കാം. വീണ്ടും നല്ലതുപോലെ വെളളം ഒഴിച്ച് അരി വെന്തു കഴിഞ്ഞാല്‍ വെള്ളം മുഴുവന്‍ ഊറ്റിക്കളഞ്ഞ് ഉപയോഗിയ്ക്കാം.
Related Article: പ്രമേഹത്തെ നിയന്ത്രിക്കാൻ iCoffee ഫലപ്രദമോ?
സ്റ്റാര്‍ച്ച് റെസിസ്റ്റന്റ് സ്റ്റാര്‍ച്ചാക്കാന്‍
അരി വെന്ത ശേഷം തണുക്കുമ്പോള്‍ ഫ്രിഡ്ജില്‍ വച്ച് തണുപ്പിയ്ക്കുക. ഇത് പിന്നീട് 8-10 മണിക്കൂറിന് ശേഷം പുറത്ത് വച്ച് ചൂടാക്കി ഉപയോഗിയ്ക്കാം. ഇതില്‍ റെസിസ്റ്റന്റ് സ്റ്റാര്‍ച്ച് ധാരാളമുണ്ട്.
ഇത് പ്രമേഹം കൂടാതിരിയ്ക്കാന്‍ സഹായിക്കുമന്ന് മാത്രമല്ല, കുടല്‍ ആരോഗ്യത്തിനും മികച്ചതാണ്. ഇതുപോലെ ശരീരത്തിലെ ഇന്‍സുലിന്‍ പ്രവര്‍ത്തനവും മെച്ചപ്പെടുത്തും. മലബന്ധം നീക്കും. ടൈപ്പ് 2 പ്രമേഹമടക്കമുള്ള പല രോഗങ്ങള്‍ക്കും ഇത്തരത്തിലെ രീതി ഗുണകരമാണ്. രാത്രി അരി വേവിച്ച് ഫ്രിഡ്ജില്‍ വച്ച് പിറ്റേന്ന് ഉപയോഗിയ്ക്കാം.
ചോറിനൊപ്പം പ്രോട്ടീന്‍ ഭക്ഷണങ്ങള്‍
ചോറിനൊപ്പം പ്രോട്ടീന്‍ ഭക്ഷണങ്ങള്‍ ഉള്‍പ്പെടുത്തുന്നത് ഏറെ ഗുണം നല്‍കും. പരിപ്പ്, കൊഴുപ്പില്ലാത്ത ഇറച്ചി, പയര്‍ വര്‍ഗങ്ങള്‍, മുട്ട എന്നിവയെല്ലാം ഉള്‍പ്പെടുത്താം. പ്രമേഹ രോഗികള്‍ തവിട് കളയാത്ത അരി ഉപയോഗിയ്ക്കുന്നതാണ് നല്ലത്. ബ്രൗണ്‍ റൈസ്, മട്ടയരി എന്നിവ ഉപയോഗിയ്ക്കാം. വെളുത്ത അരി പൊതുവേ പ്രമേഹത്തിന് നല്ലതല്ല. ചോറിന്റെ അളവ് കുറയ്ക്കുക എന്നതും പ്രധാനമാണ്. ചോറ് മാത്രമല്ല, ഇഡ്ഢലി, ദോശ തുടങ്ങിയ ഭക്ഷണങ്ങളും അരി വിഭവങ്ങള്‍ ആണെന്നോര്‍ക്കുക.
Comments