പ്രതീക്ഷിച്ചതിലും വേഗത്തില്‍ തടി കുറയ്ക്കാന്‍ രാത്രിയില്‍ ഈ ആഹാരങ്ങള്‍ അരുത്: Foods That Causes Weight Gaining
രാത്രിയില്‍ ചില ആഹാരങ്ങള്‍ കഴിക്കുന്നത് ശരീരഭാരം കൂടുന്നതിന് ഒരു കാരണമാണ്. അത്തരത്തില്‍ ശരീരഭാരം കൂട്ടുന്ന ആഹാരങ്ങള്‍
തടി കുറയ്ക്കാന്‍ ശ്രമിക്കുന്നവര്‍ പ്രധാനമായും ശ്രദ്ധിക്കേണ്ടത് അവരുടെ ആഹാരരീതിയാണ്. എപ്പോള്‍ കഴിക്കണം. എങ്ങിനെ കഴിക്കണം.എന്തെല്ലാം കഴിക്കണം എന്ന് കൃത്യമായ ധാരണ ഉണ്ടാക്കി എടുത്താല്‍ മാത്രമാണ് തടിയും വയറുമെല്ലാം വേഗത്തില്‍ കുറച്ചെടുക്കാന്‍ നിങ്ങള്‍ക്ക് സാധിക്കുകയുള്ളൂ.
അതുപോലെ, രാത്രിയില്‍ കഴിക്കുന്ന ആഹാരത്തിലും നല്ലപോലെ ശ്രദ്ധ കേന്ദ്രീകരിക്കേണ്ടതും അനിവാര്യം തന്നെ. രാത്രി നമ്മള്‍ എന്ത് കഴിക്കുന്നു എന്നതിനെ അടിസ്ഥാനപ്പെടുത്തിയിരികും നമ്മളുടെ ശരീരഭാരം. അതിനാല്‍, രാത്രിയില്‍ കഴിക്കാന്‍ പാടില്ലാത്ത ചില ആഹാരങ്ങളുണ്ട്. അവ ഏതെല്ലാമെന്ന് നോക്കാം.
നട്‌സ്.
നട്‌സ് കഴിക്കുന്നത് നല്ലതാണ്. തടി കുറയ്ക്കാന്‍ ശ്രമിക്കുന്നവരായാലും തടി കൂട്ടാന്‍ ശ്രമിക്കുന്നവരായാലും നട്‌സ് കഴിക്കാറുണ്ട്. എന്നാല്‍, രാത്രി സമയത്ത് നട്‌സ് കഴിക്കുന്നത് അത്ര നല്ലതല്ല. നട്‌സില്‍ കലോറി അടങ്ങിയിരിക്കുന്നു. അതിനാല്‍ തന്നെ രാത്രിയില്‍ നമ്മള്‍ കിടക്കുന്നതിന് മുന്‍പ് നട്‌സ് കഴിക്കാതിരിക്കാന്‍ ശ്രദ്ധിക്കുക.
നല്ലപോലെ എനര്‍ജി അടങ്ങിയിരിക്കുന്ന നട്‌സ് ആണ് നിങ്ങള്‍ കഴിക്കുന്നതെങ്കില്‍ ഇത് കൊഴുപ്പ് അടിഞ്ഞ് കൂടുന്നതിന് പ്രധാന കാരണമാകുന്നു. ഇത് വയര്‍ കൂടുന്നതിനും തടി ഒട്ടും കുറയാതെ ഇരിക്കുന്നതിനും കാരണമാകും. അതിനാല്‍ രാവിലെ വെറും വയറ്റില്‍ രണ്ടോ മൂന്നോ നട്‌സ് കഴിക്കുന്നതാണ് ആരോഗ്യത്തിന് നല്ലത്.
ഐസ്‌ക്രീം
രാത്രിയില്‍ ഐസ്‌ക്രീം കഴിക്കുന്നവരാണെങ്കില്‍ ഇത് പരമാവധി ഒഴിവാക്കുക. ഇതില്‍ നല്ലപോലെ പഞ്ചസ്സാരയും കലോറിയും അടങ്ങിയിരിക്കുന്നു. ഇത് ശരീരഭാരം കുറയ്ക്കാന്‍ ശ്രമിക്കുന്നവര്‍ക്ക് ഒട്ടും നല്ലതല്ല. ഐസ്‌ക്രീം മാത്രമല്ല, ഷേയ്ക്ക്, അതുപോലെ, കേക്ക്, എന്നിവയല്ലാം രാത്രിയില്‍ കഴിക്കാതിരിക്കാന്‍ പ്രത്യേകം ശ്രദ്ധിക്കുക.
ഇവ ശരീരത്തിലെ കൊഴുപ്പിന്റെ അളവ് പെട്ടെന്ന് കൂട്ടുന്നതിന് ഒരു കാരണമാണ്. ഐസ്‌ക്രീം കഴിക്കാന്‍ തോന്നുകയാണെങ്കില്‍ തന്നെ പകല്‍ സമയത്ത് കുറഞ്ഞ അളവില്‍ കഴിക്കാന്‍ ശ്രദ്ധിക്കുന്നത് നല്ലതായിരിക്കും. അതും സ്ഥിരമായി കഴിക്കാതിരിക്കാന്‍ ശ്രദ്ധിക്കുക.
ജ്യൂസ്
ഡയറ്റ് എടുക്കുന്നവര്‍ ചിലപ്പോള്‍ രാത്രിയില്‍ ജ്യൂസ് കുടിച്ച് കിടക്കുന്നത് ആരോഗ്യത്തിന് നല്ലതാണ് എന്ന് കരുതുന്നവരുണ്ട്. എന്നാല്‍, സത്യവസ്ഥ നേരെ മറിച്ചാണെന്ന് മാത്രം. രാത്രിയില്‍ ജ്യൂസ് കുടിക്കുന്നത് ശരീരത്തിലേയ്ക്ക് അമിതമായി മധുരം എത്തുന്നതിനും അതിലൂടെ പഞ്ചസ്സാരയുടെ അളവ് കൂടാനും കൊഴുപ്പ് കൂടാനും ഇത് കാരണമാകുന്നു.
സാധാരണ പഴങ്ങളില്‍ ധാരാളം നാരുകള്‍ അടങ്ങിയിട്ടുണ്ടെങ്കിലും ഇത് ജ്യൂസ് ആക്കുമ്പോള്‍ ഇതിലെ നാരുകളുടെ സാന്നിധ്യം ഇല്ലാതാകുന്നു. ഇത് ശരീരത്തിലേയ്ക്ക് വളരെ പെട്ടെന്ന് തന്നെ മധുരം എത്തുന്നതിനും ഇത് ഫാറ്റ് ലെവല്‍ വര്‍ദ്ധിപ്പിക്കുന്നതിനും കാരണമാകുന്നു.
അതിനാല്‍, രാത്രികാലങ്ങളില്‍ ജ്യൂസ് കുടിക്കാതിരിക്കുന്നതാണ് നല്ലത്. പഴങ്ങളെല്ലാം പരമാവധി അതേപോലെ തന്നെ കഴിക്കാന്‍ ശ്രമിക്കുന്നതാണ് കുറച്ചും കൂടെ നല്ലത്.
ചോക്ലേറ്റ്
ഐസ്‌ക്രീം പോലെ തന്നെ ചോക്ലേറ്റും രാത്രിയില്‍ കഴിക്കാതിരിക്കാന്‍ ശ്രദ്ധിക്കുക. അതുപോലെ, ബിസ്‌ക്കറ്റ് അല്ലെങ്കില്‍ ചോക്ലേറ്റ് അടങ്ങിയ മറ്റ് സാധനങ്ങളും പലഹാരങ്ങളും എത്ര കൊതി തോന്നിയാലും ഒഴിവാക്കുന്നത് നല്ലതാണ്.
നിങ്ങള്‍ക്ക് ചോക്ലേറ്റ് കണ്ടാല്‍ കഴിക്കാന്‍ തോന്നും എന്നാണെങ്കില്‍ നിങ്ങള്‍ കാണാത്തസ്ഥലത്തേക്ക് ഇത് മാറ്റി വെക്കാവുന്നതാണ്.
രാത്രിയില്‍ കുട്ടികള്‍ക്കും ചോക്ലേറ്റ് കൊടുക്കാതിരിക്കാം. ചോക്ലേറ്റ് നിങ്ങള്‍ക്ക് കഴിക്കണമെങ്കില്‍ രാവിലെ കഴിക്കാവുന്നതാണ്. അതും മധുരം അധികം ചേര്‍ക്കാത്ത ചോക്ലേറ്റ് കഴിക്കുന്നതാണ് നല്ലത്.
കുറഞ്ഞ അളവില്‍ മാത്രം ചോക്ലേറ്റ് കഴിക്കുന്നത് ശരീരത്തിന് നല്ലതാണ്. തലച്ചോറിന്റെ പ്രവര്‍ത്തനത്തിനും അതുപോലെ, സൗന്ദര്യത്തിനും ഇത് സഹായിക്കുന്നുണ്ട്.
ഫ്രെഞ്ച് ഫ്രൈ
അതിനാല്‍, രാത്രിയില്‍ പൊരിച്ചതും അതുപോലെ, പ്രോസസ്സ്ഡ് ആയിട്ടുള്ളതുമായ ആഹാരങ്ങള്‍ കഴിക്കുന്നത് നല്ലതല്ല. സോഫ്റ്റ് ഡ്രിങ്ക്‌സും പരമാവധി ഒഴിവാക്കാന്‍ ശ്രമിക്കുന്നത് നല്ലതാണ്.
ശരീരഭാരം കുറയ്ക്കാൻ ആഗ്രഹിക്കുന്നവർക്ക് ദിവസവും നല്ല നല്ല ടിപ്സ് ലഭിക്കുവാൻ നമ്മുടെ WHATSAPP ഗ്രൂപ്പിൽ അംഗമാവുക. ഗ്രൂപ്പിൽ അംഗമാവുകയാണ് ഇവിടെ ക്ലിക്ക് ചെയ്യുക.
ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഇനി സന്തോഷിക്കാം.
.jpeg)
.jpeg)
Comments