രാവിലെ തന്നെ എഴുന്നേറ്റ് ജിമ്മില്‍ എല്ലാം പോകുവാന്‍ മടിപിടിച്ചിരിക്കുന്നവര്‍ക്ക് വീട്ടില്‍ തന്നെ ഇരുന്ന് ബോഡിയ്ക്ക് വേണ്ട സമ്പൂര്‍ണ്ണ വ്യായാമം ചെയ്യുവാന്‍ സാധിച്ചാലോ? ഇതിനായി നമുക്ക് വീട്ടില്‍ വര്‍ക്കൗട്ട് മെഷീനിന്റെ ആവശ്യമൊന്നും ഇല്ല. ഒരു വള്ളി മാത്രം ഉണ്ടായാല്‍ മതി.
വള്ളിച്ചാട്ടത്തിലൂടെ നേടിയെടുക്കാം ആരോഗ്യം
അത്രപെട്ടെന്നൊന്നും വള്ളിച്ചാട്ടം ശീലമാക്കുവാന്‍ എല്ലാവര്‍ക്കും സാധിച്ചെന്ന് വരികയില്ല. എന്നാല്‍, ഒരിക്കല്‍ ഇത് പ്രാക്ടീസാക്കി എടുത്താല്‍, പിന്നെ ആരോഗ്യത്തിന്റെ കാര്യത്തില്‍ നമുക്ക് ഒട്ടും ടെന്‍ഷന്‍ വേണ്ട. വള്ളിച്ചാട്ടം ശീലിച്ചാല്‍ നമുക്ക് ലഭിക്കുന്ന ഗുണങ്ങള്‍ എന്തെല്ലാമെന്ന് നോക്കാം.
1. ഏകാഗ്രത കൂട്ടുവാന്‍ സഹായിക്കുന്നു
വള്ളിച്ചാട്ടം എന്നത് നല്ലൊരു കാര്‍ഡിയോ വര്‍ക്കൗട്ട് ആണ്. അതിനാല്‍ തന്നെ, ഇത് ചെയ്യുമ്പോള്‍ നിങ്ങളുടെ ഏകാഗ്രത കൂട്ടുവാന്‍ ഇത് സഹായിക്കുന്നുണ്ട്. ഇത് നിങ്ങളുടെ ശരീരത്തെ ശാന്തമാക്കുന്നതിനും അതുപോലെതന്നെ, നമ്മളുടെ മനസ്സിന്റെയും തലച്ചോറിന്റെയും ആരോഗ്യം മെച്ചപ്പെടുത്തുന്നതിനും വളരെയധികം സഹായിക്കുന്നു. അതിനാല്‍, വള്ളിച്ചാട്ടം ശീലമാക്കുന്നത് പഠനത്തില്‍ ഏകാഗ്രത കുറഞ്ഞിരിക്കുന്നവര്‍ക്ക് കൂട്ടുവാന്‍ സഹായിക്കുന്ന ഒന്നാണ്.
2. ഹൃദയത്തിന്റെ ആരോഗ്യം മെച്ചപ്പെടുത്തുന്നു
ഹൃദയത്തിന്റെ ആരോഗ്യം മെച്ചപ്പെടുത്തുവാന്‍ വളരെയധികം സഹായിക്കുന്ന ഒന്നാണ് വള്ളിച്ചാട്ടം. നമ്മള്‍ ഇത് ചെയ്യുമ്പോള്‍ നമ്മളുടെ രക്തോട്ടം കൂടുന്നതിനും അതുപോലെ, ശ്വാസകോശത്തിലേയ്ക്ക് നല്ലരീതിയില്‍ ഓക്‌സിജന്റെ അളവ് ലഭിക്കുന്നതിനും ഇത് സഹായിക്കുന്നുണ്ട്. അതിനാല്‍ തന്നെ, ഇത് ഹൃദയത്തിന്റെ ആരോഗ്യം മെച്ചപ്പെടുത്തുകയും, പക്ഷാഘാതം പോലെയുള്ള അസുഖങ്ങള്‍ വരാതിരിക്കുവാന്‍ സഹായിക്കുകയും ചെയ്യും.
3. സ്റ്റാമിന കൂട്ടുന്നു
നമ്മളുടെ സ്റ്റാമിന കൂട്ടുവാനും അതുപോലെ, ക്ഷീണം കുറയ്ക്കുവാനും ഏറ്റവുമധികം സഹായിക്കുന്ന ഒന്നാണ് വള്ളിച്ചാട്ടം. അതിനാല്‍ സ്ഥിരമായി വള്ളിച്ചാട്ടം ശീലമാക്കുന്നത് അത് കുട്ടികളായാലും മുതിര്‍ന്നവരായാലും ഇത് ചെയ്യുന്നത് വളരെ നല്ലതായിരിക്കും. ഇത് കുട്ടികളുടെ സ്‌പോര്‍ട്‌സ്മാന്‍ സ്പിരിറ്റ് കൂട്ടുകയും അതുപോലെ, നല്ല ഊര്‍ജം ലഭിക്കുവാന്‍ സഹായിക്കുകയും ചെയ്യും.
4. ശരീരത്തിന് മെയ്‌വഴക്കം ലഭിക്കാന്‍ സഹായിക്കുന്നു.
നമ്മളുടെ ശരീരത്തിന് നല്ല വഴക്കം ലഭിക്കുവാന്‍ എന്നും വള്ളിച്ചാട്ടം ശീലമാക്കുന്നത് വളരെ നല്ലതാണ്. ഇത് ഇത് മസില്‍സിനെയെല്ലാം കൂടുതല്‍ വഴക്കമുള്ളതാക്കുകയും അതുപോലെ, റിലാക്‌സ് ചെയ്യിപ്പിക്കുകയും ചെയ്യുന്നു. ഇത് നമ്മളുടെ മസില്‍സിന്റെ ആരോഗ്യത്തിന് വളരെ നല്ലതാണ്.
5. മാനസികാരോഗ്യം മെച്ചപ്പെടുത്താന്‍ സഹായിക്കുന്നു
നല്ലപോലെ കൃത്യമായി വ്യായാമം ചെയ്യുന്നവരില്‍ മാനസികാരോഗ്യം മെച്ചപ്പെട്ടിരിക്കുന്നതായി നമുക്ക് കാണുവാന്‍ സാധിക്കും. അതുപോലെതന്നെ വള്ളിച്ചാട്ടം ചാടുന്നതിലൂടെ ശരീരത്തിലേയ്ക്കുള്ള രക്തോട്ടം നല്ലരീതിയില്‍ നടക്കുകയും, ഇത് ഞരമ്പുകളുടെയും ശരീരത്തിന്റെ മൊത്തത്തിലുള്ള ആരോഗ്യത്തിന് ഗുണം ചെയ്യുകയും ചെയ്യും. അതിനാല്‍, ഇത് വ്യക്തികളില്‍ ഉണ്ടാക്കുന്ന അമിതമായിട്ടുള്ള ആകാംഷ, പിരിമുറുക്കം, മാനസിക സമ്മര്‍ദ്ദം എന്നിവ കുറയ്ക്കാന്‍ ഇത് വളരെയധികം സഹായിക്കുന്നുണ്ട്.
6. ചര്‍മ്മത്തിന് തിളക്കം നല്‍കുന്നു
വ്യായാമം ചെയ്യുന്നതിലൂടെ ശരീരത്തിലെ വിഷമയമെല്ലാം തന്നെ നമ്മള്‍ പുറംതള്ളുകയാണ് ചെയ്യുന്നത്. ഇത്, നമ്മളുടെ ചര്‍മ്മത്തിന്റെ ആരോഗ്യം മെച്ചപ്പെടുത്താന്‍ വളരെയധികം സഹായിക്കുന്നുണ്ട്. കൂടാതെ, മുഖത്തേയ്ക്ക് കൂടുതല്‍ രക്തോട്ടം ലഭിക്കുമ്പോള്‍ മുഖസൗന്ദര്യം കൂടുവാനും ഇത് കാരണമാകുന്നു. മുഖത്തെ കുരുക്കളും കറുത്തപാടും കുറയ്ക്കുവാന്‍ ഇത് നല്ലതാണ്.
7. വയര്‍ കുറയ്ക്കുവാന്‍ സഹായിക്കും
വയര്‍ കുറയ്ക്കാന്‍ ആഗ്രഹിക്കുന്നവര്‍ക്ക് ശീലമാക്കാവുന്ന ഏറ്റവും നല്ല മാര്‍ഗ്ഗമാണ് വള്ളിച്ചാട്ടം എന്നത്. ഇത് ശരീരത്തിന്റെ മൊത്തത്തിലുള്ള കാലറീസ് കുറയ്ക്കുവാനും ഫാറ്റ് നല്ലപോലെ ഉരുക്കികളയാനും സഹായിക്കുന്നുണ്ട്. ഡയറ്റും അധികം വ്യായാമവും ഇല്ലാതെതന്നെ വള്ളിച്ചാട്ടത്തിലൂടെ ശരീരഭാരം കുറച്ചെടുക്കാവുന്നതാണ്.
കൃത്യമായ വ്യായാമത്തോടപ്പം രാത്രിയിലെ ഭക്ഷണത്തിനു പകരമായി കഴിക്കാൻ പറ്റുന്ന ശരീരഭാരം ആരോഗ്യകരമായി നിലനിർത്താൻ സഹായിക്കുന്ന ഉല്പന്നമാണ് iSlim Flat Tummies. ഈ ഉല്പന്നത്തെ പറ്റി കൂടുതൽ അറിയുക.
Comments